Ամասիա գյուղի տարածքում այրվել է մոտ 60 հա խոտածածկույթ
Ապրիլի 18-ին, ժամը 13:20-ին Ճգնաժամային կառավարման ազգային կենտրոն տեղեկություն է ստացվել, որ Շիրակի մարզի Ամասիա գյուղի տարածքում այրվում է խոտածածկ տարածք: Այս մասին հայտնում են ԱԻՆ տեղեկատվության և հասարակայնության հետ կապերի վարչությունից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է «Սնխ» կոչվող հանդամասում:
Հրդեհը մեկուսացվել է ժամը 17:23-ին, մարվել՝ 17:55-ին: Այրվել է մոտ 60 հա խոտածածկույթ:
Հրդեհաշիջման աշխատանքներին մասնակցել են ազատ հերթափոխից 22 հրշեջ-փրկարար և գյուղի 3 բնակիչ:
