Apple-ի բոլոր խանութները ժամանակավորապես կփակվեն կորոնավիրուսի համավարակի պատճառով
Կորոնավիրուսի համավարակի պատճառով Apple-ն ամբողջ աշխարհում երկու շաբաթով կփակի իր խանութները, բաց կլինի միայն Չինաստանում գտնվող խանութը: Այս մասին հայտնում է Dailymail-ը, հղում անելով Apple-ի գլխավոր տնօրեն Թիմ Կուկի հայտարարությանը:
Կուկը նշել է, որ խանութները փակ կմնան մինչ մարտի 27-ը, իսկ ընկերությունը 15 մլն դոլար կհատկացնի համաշխարհային տնտեսության վերականգման համար:
Նոր կորոնավիրուսի` CՕVID-2019-ի բռնկումը գրանցվել է 2019 թվականի դեկտեմբերի վերջին Կենտրոնական Չինաստանի ամենախտաբնակ քաղաքում՝ 12-միլիոնանոց Ուհանում: Առողջապահության համաշխարհային կազմակերպությունն այն բնութագրել է որպես պանդեմիա: Աշխարհում կորոնավիրուսով վարակման դեպքերի թիվը հատել է 145 հազարը: Հայաստանում կորոնավիրուսով վարակման դեպքերի թիվը 15 է:
