Մակրոնի և Էրդողանի միջև կարծիքների փոխանակումը «հավաստել է խորը տարաձայնությունների» առկայությունը
Ֆրանսիայի նախագահ Էմանուել Մակրոնը հոկտեմբերի 14-ի երեկոյան հեռախոսազրույցներ է անցկացրել ԱՄՆ-ի նախագահ Դոնալդ Թրամփի, Թուրքիայի նախագահ Ռեջեփ Թայիփ Էրդողանի եւ Իրաքի նախագահ Բարհամ Սալեհի հետ: Այդ մասին հայտնել է Ելիսեյան պալատը:
Ընդսմին նշվել է որ Թուրքիայի ղեկավարի հետ կարծիքների փոխանակումը «հավաստել է խորը տարաձայնությունների գոյությունը Սիրիայի հյուսիս-արեւելքում թուրքական հարձակման հնարավոր հետեւանքների հարցում»:
Թրամփի հետ զրուցելիս Մակրոնը նախազգուշացրել է «Իսլամական պետություն» խմբավորման վերածնմանը դիմակայելու բացարձակ անհրաժեշտության մասին»:
Իրաքի նախագահի հետ բանակցությունները վերաբերել են հիմնականում «հումանիտար առումով եւ անվտանգության ապահովման առումով այն ռիսկերին», որոնք պայմանավորված են ներկա իրադրությամբ, հաղորդել է ՏԱՍՍ-ը:
