Խոշոր ու ողբերգական ավտովթար Արագածոտնի մարզում. կա 1 զոհ, 4 վիրավոր
Սեպտեմբերի 20-ին, ժամը 07:57-ին «911» ծառայություն ահազանգ է ստացվել, որ Թալին-Գյումրի ավտոճանապարհին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Երևան-Գյումրի ավտոճանապարհի 72-րդ կմ-ին բախվել են «Volkswagen Jetta» (վարորդ` Արմեն Ո., ծնված 1971 թ.) և «Nissan Pathfinder» (վարորդ` Տիգրան Մ., ծնված 1993 թ.) մակնիշների ավտոմեքենաները:
Մինչ փրկարարների կանչի վայր հասնելը` «Nissan Pathfinder» մակնիշի ավտոմեքենայի վարորդը և ուղևորները (Նելլի Հ., ծնված 1992 թ., Քաղցրիկ Ա., ծնված 1994 թ.) հոսպիտալացվել են Թալին քաղաքի ԲԿ:
Բժիշկները Նելլի Հ.-ի առողջական վիճակը գնահատել են միջին ծանրության, Քաղցրիկ Ա.-ի առողջական վիճակը՝ բավարար և «Volkswagen Jetta» մակնիշի ավտոմեքենայի ուղևոր Անահիտ Թ.-ի առողջական վիճակը՝ միջին ծանրության:
Փրկարարները «Volkswagen Jetta» մակնիշի ավտոմեքենայի վարորդի դին դուրս են բերել ավտոմեքենայից և տեղափոխել շտապօգնության ավտոմեքենա:
Փրկարարները հոսանքազրկել են ավտոմեքենաները և փակել գազի բալոնների փականները:
