Հայտնի է Դեմբելեի՝ ՊՍԺ չտեղափոխվելու պատճառը
«Բարսելոնայի» կիսապաշտպան Ուսման Դեմբելեն չի պլանավորում տեղափոխվել ՊՍԺ, հայտնում է L’Equipe-ը:
Ենթադրվում է, որ չնայած Փարիզի գլխավոր մարզիչ Թոմաս Տուխելի հետ լավ հարաբերություններին՝ 22-ամյա ֆրանսիացին հրաժարվել է տրանսֆերից, քանի որ նա «իր երազների ակումբում է»:
Աղբյուրը հայտնում է նաև, որ Դեմբելեն չի վախենում հիմնական կազմի համար պայքարից, որը կարող էր էլ ավելի ուժեղանալ ՊՍԺ-ի հարձակվող Նեյմարի գալուստով, քանի որ ֆրանսիացու նպատակը «Ոսկե գնդակը» նվաճելն է:
«Դեմբելեն կմնա «Բարսելոնայում», ես 100% -ով վստահ եմ: Անգամ փոքր հնարավորություն չկա, որ նա հեռանա: Դեմբելեն ցանկանում է հաղթել «Բարսելոնայում»,- ասել էր ֆուտբոլիստի գործակալը:
Այս մրցաշրջանում Դեմբելեն անցկացրեց 1 հանդիպում և հիմա ապաքինվում է վնասվածքից:
Սիրարփի Աղաբաբյան
