ԶԼՄ-ները նշել են ՄԱԳԱՏԷ-ի ղեկավարի պաշտոնի թեկնածուներին
Միջուկային փորձարկումների համապարփակ արգելման պայմանագրի կազմակերպության (ՄՓՀԱՊԿ) գործադիր քարտուղար Լասինա Զերբոն եւ Ատոմային էներգիայի միջազգային կազմակերպության (ՄԱԳԱՏԷ) ղեկավարի ժամանակավոր պաշտոնակատար Կոռնել Ֆերուցեն հավակնում են կազմակերպության գլխավոր տնօրենի պաշտոնին: Այդ մասին հայտնել է Reuters գործակալությունը:
Սեպտեմբերի 4-ին Զերբոն իր գլխավորած կազմակերպության աշխատակիցների հետ հանդիպմանը հայտարարել է, որ ինքը դարձել է ՄԱԳԱՏԷ-ի ղեկավարի պաշտոնի թեկնածու, հայտնել է աղբյուրը, որը ներկա է եղել միջոցառմանը: Ֆերուցեն, ինչպես գրում է գործակալությունը, այժմ զբաղեցնում է կազմակերպության ղեկավարի ժամանակավոր պաշտոնակատարի պաշտոնը եւ «հավակնում է այն բանին, որ դառնա» դրա լիիրավ ղեկավարը:
Այսպիսով, կազմակերպության գլխավոր տնօրենի պաշտոնի թեկնածուները դեռեւս երեքն են: Ավելի վաղ հաղորդվել էր, որ ՄԱԳԱՏԷ-ի գլխավոր տնօրենի պաշտոնին հավակնում է նաեւ Վիեննայում միջազգային կազմակերպություններին առընթեր Արգենտինայի մշտական ներկայացուցիչ Ռաֆայել Գրոսին:
ՄԱԳԱՏԷ-ի նոր գլխավոր տնօրենը պետք է իր պարտականությունների կատարմանը ձեռնամուխ լինի հաջորդ տարվա հունվարի 1-ից ոչ ուշ, այդ պաշտոնի համար թեկնածուների առաջադրումը կավարտվի սեպտեմբերի 5-ին:
Հուլիսի վերջին Յուկիա Ամանոն, որը ՄԱԳԱՏԷ-ն գլխավորում էր 2009 թվականից, վախճանվել է կյանքի 73-րդ տարում: Կառավարիչների խորհուրդը գործակալության գլխավոր տնօրենի ժամանակավոր պաշտոնակատար է նշանակել Ռումինիայի նախկին մշտական ներկայացուցիչ Կոռնել Ֆերուցեին, հաղորդել է ՌԻԱ Նովոստին:
