Շրջված բեռնատարը երկկողմանի փակել է Քաջարան-Մեղրի ավտոճանապարհը
ՀՀ արտակարգ իրավիճակների նախարարության «911» ծառայությունը մարտի 1-ին, ժամը 17:48-ին ահազանգ է ստացել, որ Մ-2 ավտոճանապարհի Քաջարան-Մեղրի հատվածի 2-3-րդ կիլոմետրերին տեղի է ունեցել ՃՏՊ. բեռնատարը շրջվել է և երկկողմանի փակել ավտոճանապարհը. տուժածներ չկան. անհրաժեշտ է փրկարարների օգնությունը:
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատի մեկ մարտական հաշվարկ:
Նախարարությունը կտրամադրի լրացուցիչ տեղեկություն:
