«Ինչ տեղի կունենա, ես չեմ կարող ձեզ ասել». Թրամփ
ԱՄՆ-ի նախագահ Դոնալդ Թրամփը փետրվարի 24-ին հավաստել է, որ երես առ երես շփվելու է ԿԺԴՀ-ի առաջնորդ Կիմ Չեն Ունի հետ փետրվարի 27 – 28-ը Հանոյում կայանալիք գագաթնաժողովի ընթացքում: Նրա խոսքը մեջբերել է Սպիտակ տան մամուլի ծառայությունը։
«Մենք կշփվենք երես առ երես, ես վստահ եմ… Ինչ տեղի կունենա, ես չեմ կարող ձեզ ասել… Քանի դեռ (հրթիռային եւ միջուկային) փորձարկումներ չեն կատարվում, մենք երջանիկ ենք»,- նշել է նախագահն Սպիտակ տանն ԱՄՆ-ի նահանգապետների ամենամյա պարահանդեսին:
Պետության ղեկավարն ընդգծել է, որ իր ինքը «շատ, շատ լավ հարաբերություններ» է հաստատել Կիմ Չեն Ունի հետ, եւ ինքն «առանձնահատուկ զգացմունքներ» է տածում նրա նկատմամբ: Նա չի պարզաբանել, թե ինչի մասին է խոսքը, հաղորդել է ՏԱՍՍ-ը:
