Պատահար ԱՄՆ դեսպանատան մոտ. կան տուժածներ
Նոյեմբերի 14-ին` ժամը 01:13-ին, «911» ծառայությանն ահազանգ է ստացվել, որ Երևան քաղաքի Իսակովի պողոտայում՝ ԱՄՆ դեսպանատան մոտակայքում, տեղի է ունեցել ՃՏՊ` ավտոմեքենան բախվել է ծառին և էլեկտրական սյանը. կան տուժածներ: Անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ «Toyota Land Cruiser» մակնիշի ավտոմեքենան դուրս է եկել երթևեկելի գոտուց, բախվել «Էլ. տրանսպորտ» ՓԲԸ-ին պատկանող սյանը, ծառին և կանգառի տաղավարին, որոնք շրջվել են:
Մինչ փրկարարների՝ կանչի վայր հասնելը ուղևոր Ս. Ս.-ն (ծնված 1977 թ.) հոսպիտալացվել է «Աստղիկ» ԲԿ, որտեղ նրա առողջական վիճակը գնահատվել է կայուն, իսկ մյուս ուղևոր Գ. Հ.-ն (ծնված 1982 թ.)` «Էրեբունի» ԲԿ, որտեղ ստանալով համապատասխան բուժօգնություն՝ դուրս է գրվել:
Փրկարարները հոսանքազրկել են ավտոմեքենան և փակել գազի բալոնի փականը:
