Զելենսկին հաստատել է Մոսկվայի և Տամբովի մարզերի ուղղությամբ հարվածները
«Մեր քաղաքացիական ենթակառուցվածքներին, քաղաքներին ու գյուղերին հասցված ռուսական հարվածներին ի պատասխան՝ երկու խոշոր լոգիստիկ օբյեկտներ են խոցվել Մոսկվայի և Տամբովի մարզերում՝ ռազմաճակատի գծից ավելի քան 500 և մոտ 700 կմ հեռավորության վրա»։ Այս մասին հայտնել է Ուկրաինայի նախագահ Վլադիմիր Զելենսկին։
«Դրանք Ռուսաստանի կողմից օգտագործվում էին անօդաչու թռչող սարքերի և նավիգացիոն սարքավորումների արտադրության համար պատժամիջոցների տակ գտնվող բաղադրիչների մատակարարումն ապահովելու նպատակով։ Խոցվել է նաև նավթային օբյեկտ։ Բացի այդ, հարվածներ են հասցվել Ազովի և Սև ծովերի ջրատարածքներում, ինչպես նաև Ղրիմում գտնվող թիրախներին»,- նշել է նա։
Ռուսաստանն ու Ուկրաինան գիշերային փոխադարձ հարվածներ են հասցրել. կան զոհեր Wildberries-ի աշխատակիցների շրջանում։
