ԱՄՆ-ը հարվածել է Իրանի տարածքում գտնվող չորս թիրախի. CBS News
ԱՄՆ-ի կողմից Իրանին հասցված հարվածների հետևանքով խոցվել է չորս թիրախ․ հարվածները հասցվել են ԱՄՆ-ի վեց ցամաքային բազավորման ինքնաթիռներով, հարվածների ավարտից հետո CBS News-ին հայտնել է ամերիկացի պաշտոնյան։
Հարվածներ են հասցվել իրանական հրթիռների և անօդաչու թռչող սարքերի պահեստավորման օբյեկտներին, ինչպես նաև ռադարներին, ասվում է ԱՄՆ Կենտրոնական հրամանատարության հայտարարության մեջ, որը հրապարակվել է սոցիալական ցանցերում, և դա բնութագրվել է որպես «հզոր պատասխան» Իրանի «վտանգավոր վարքագծին»։
ԱՄՆ Կենտրոնական հրամանատարությունը (CENTCOM) ավելի վաղ հայտնել էր Իրանում գտնվող օբյեկտներին հարվածներ հասցնելու մասին՝ այն բանից հետո, երբ Թեհրանը հարձակվել էր առևտրային նավի վրա Օրմուզի նեղուցի շրջանում։
Դրանից հետո Իրանի ԻՀՊԿ-ն հայտարարեց, որ իր ուժերը հարվածներ են հասցրել տարածաշրջանում ամերիկացի զինվորականների տեղակայման օբյեկտներին՝ ի պատասխան ԱՄՆ-ի կողմից Իրանի ափամերձ հատվածին, Սիրիկ կղզու շրջանում, հասցված հարվածների։
