Կատարի էմիրը Թրամփի հետ քննարկել է վերջին զարգացումները Մերձավոր Արևելքում
Կատարի Պետության էմիր, շեյխ Թամիմ բին Համադ ալ-Թանին հեռախոսազրույց է ունեցել Ամերիկայի Միացյալ Նահանգների նախագահ Դոնալդ Թրամփի հետ։ Այս մասին հայտնում է Կատարի էմիրի գրասենյակը։
Հեռախոսազրույցի ընթացքում կողմերը քննարկել են Մերձավոր Արևելքում տեղի ունեցող վերջին զարգացումները, ինչպես նաև լարվածության թուլացման և կայունության խթանմանն ուղղված տարածաշրջանային և միջազգային ջանքերը։
Կատարի էմիրը շեշտել է բոլոր կողմերի միջև քաղաքական և դիվանագիտական լուծումներին և երկխոսությանն առաջնահերթություն տալու կարևորությունը՝ տարածաշրջանային անվտանգության և կայունության ամրապնդմանը նպաստելու և տարածաշրջանում հետագա լարվածությունն ու սրացումը կանխելու համար։
Իր հերթին, ԱՄՆ նախագահը բարձր է գնահատել Կատարի դերը Պակիստանի միջնորդական ջանքերին աջակցելու և տարբեր կողմերի միջև հաղորդակցության ուղիներն ամրապնդելու գործում։ Նա նաև բարձր է գնահատել Կատարի ջանքերը՝ տարածաշրջանում տեսակետները մերձեցնելու և լարվածության թուլացման ջանքերն առաջ մղելու ուղղությամբ։
Հեռախոսազրույցի ընթացքում անդրադարձ է կատարվել նաև Կատարի Պետության և ԱՄՆ-ի միջև սերտ ռազմավարական հարաբերություններին և տարբեր ոլորտներում երկկողմ համագործակցությունը խորացնելու ուղիներին։
