Թուրքիայում հույս ունեն, որ Ուկրաինայի հարցով բանակցությունները կվերսկսվեն
Թուրքական կողմը հույս ունի, որ Ուկրաինայի հակամարտության կարգավորման բանակցությունների դադարը երկար չի տևի։ Անկարան պատրաստ է դրանք կազմակերպել ցանկացած պահի: Այս մասին РИА Новости-ին հայտնել է թուրքական կառավարության աղբյուրը։
Ավելի վաղ Թուրքիայի արտաքին գործերի նախարար Հաքան Ֆիդանը հայտարարել էր, որ Անկարան պատրաստ է հարթակ տրամադրել Ուկրաինայի հակամարտության խաղաղ կարգավորման շուրջ բանակցությունների համար։
«Մենք ենթադրում ենք, որ բանակցային գործընթացի ներկայիս դադարը երկարատև չի լինի, և կողմերը կշարունակեն շահագրգռված լինել երկխոսությունը շարունակելու հարցում»,- նշել է գործակալության աղբյուրը։
«Թուրքիան, ինչպես նախկինում, պատրաստ է տրամադրել հարթակ և բոլոր անհրաժեշտ պայմանները բանակցությունների համար, եթե կողմերը համապատասխան հարցում ներկայացնեն»,- ընդգծել է նա։
