ԱԹՍ-ները հարձակվել են Օմանի Սալալա նավահանգստի վրա. կա վիրավոր

Օմանի պետական ONA լրատվական գործակալության հաղորդմամբ՝ երկու անօդաչու թռչող սարքեր են հարձակվել երկրի հարավային Դոֆար նահանգի կենտրոն հանդիսացող Սալալա քաղաքի նավահանգստի վրա։

Գործակալության տվյալներով՝ միջադեպի հետևանքով օտարերկրյա աշխատակիցը ստացել է միջին ծանրության վնասվածքներ։

Նյութական վնաս է կրել նաև նավահանգստի կռունկներից մեկը։ Դեռևս չի հաղորդվում, թե մերձավորարևելյան հակամարտության կողմերից որն է իրականացրել հարձակումը։