Եվրոպական խորհրդարանը հաստատել է անօրինական ներգաղթյալների վերադարձն արագացնող օրենքը
Եվրոպական խորհրդարանը հաստատել է օրենք, որի նպատակն է արագացնել ավելի շատ անօրինական ներգաղթյալների վերադարձը՝ ԵՄ-ից դուրս արտաքսման կենտրոններ ստեղծելով և ավելի խիստ կանոններ մտցնելով, ինչը արտացոլում է Եվրոպայի քաղաքական տեղաշարժը դեպի աջ։
Օրենքը միաժամանակ մեծացնում է առավելագույն կալանքի ժամկետը մինչև երկու տարի և գործնականում անսահմանափակ մուտքի արգելքներ է մտցնում ԵՄ վերադարձած անձանց համար, հաղորդում է Euronews-ը։
«Վերադարձի մասին կանոնակարգը» համարվում է ԵՄ-ում մնալու օրինական իրավունք չունեցող անձանց արտաքսման տեմպը մեծացնելու հիմնական գործիք և դիտվում է որպես անօրինական ներգաղթյի դեմ պայքարի նոր եվրոպական մոտեցման անկյունաքար։
Օրենքը ԵՄ երկրներին թույլ է տալիս անօրինական ներգաղթյալներին վերադարձնել երրորդ երկրներ, որոնք կապ չունեն նրանց ծագման երկրի հետ՝ պայմանով, որ ԵՄ անդամ չհանդիսացող պետության հետ կնքվեն երկկողմ համաձայնագրեր, որոնց տարածքում այսպես կոչված «վերադարձի կենտրոններ» կստեղծվեն:
