Լուլա դա Սիլվան աշխարհին կոչ է արել թույլ չտալ, որ ԱՄՆ-ը իրեն մոլորակի տերը համարի
Բրազիլիայի նախագահ Լուիս Ինասիու Լուլա դա Սիլվան համաշխարհային հանրությանը կոչ է արել թույլ չտալ ամերիկյան վարչակազմին մտածել, որ իրավունք ունի վերահսկել այլ մայրցամաքներն ու պետությունները։
«Մենք չենք կարող թույլ տալ, որ ինչ-որ մեկը համարի, որ տիրում է աշխարհին եւ մտածում է Գրենլանդիան, Պանամայի ջրանցքը, Կուբան կամ Վենեսուելան զավթելու մասին։ Դա անհնար է։ Մեր մոլորակին խաղաղություն է պետք, ոչ թե պատերազմ»,- նշել է Բրազիլիայի նախագահը հանրային ելույթի ժամանակ, որի հեռարձակումը վարել է կառավարության YouTube-ալիքը։ Պետության ղեկավարի խոսքով՝ աշխարհի առաջատար երկրները պետք է «սովորեն հարգել ժողովուրդների ինքնորոշման իրավունքը»։
