Իրանը Եվրամիությանը կոչ է արել ԱՄՆ-ին և Իսրայելին ստիպել դադարեցնելու պատերազմը
Եվրոպան պետք է ԱՄՆ-ին և Իսրայելին կոչ անի դադարեցնել Իրանի դեմ պատերազմը։ Այս մասին ԵՄ արտաքին գործերի և անվտանգության քաղաքականության հարցերով գերագույն հանձնակատար Կայա Կալլասի հետ հեռախոսազրույցում հայտարարել է Իրանի արտգործնախարար Աբբաս Արաղչին։
«Հորմուզի նեղուցում նավարկության խափանումը ԱՄՆ-ի և սիոնիստական ռեժիմի պարտադրած պատերազմի հետևանք է։
Եթե Եվրամիությունը և եվրոպական երկրները իսկապես մտահոգված են տարածաշրջանի խաղաղությամբ և անվտանգությամբ, ապա իրենց անպատասխանատու դիրքորոշումը արտահայտելու փոխարեն պետք է ճնշում գործադրեն ագրեսորների վրա և ստիպեն դադարեցնելու նրանց ռազմական ագրեսիան Իրանի ժողովրդի դեմ»,- Արաղչիի խոսքերը մեջբերել է Իրանի ԱԳՆ մամուլի ծառայությունը։
