Գերմանացի քաղաքագետը բացահայտել է, թե ով է կանգնած ֆոն դեր Լեյենի քաղաքականության հետևում
Եվրոպական հանձնաժողովի նախագահ Ուրսուլա ֆոն դեր Լեյենը գնալով ավելի մեծ իշխանություն է ձեռք բերում, իսկ նրա քաղաքականության հետևում կանգնած են Ֆրանսիայի նախագահ Էմանուել Մակրոնը և Գերմանիայի կանցլեր Ֆրիդրիխ Մերցը, կարծում է գերմանացի քաղաքագետ Ալեքսանդր Ռարը։
«Ֆոն դեր Լեյենը գնալով ավելի ու ավելի մեծ իշխանություն է ձեռք բերում։ Նախկինում ԵՄ մյուս հանձնակատարները դեռևս որևէ նշանակություն ունեին, բայց այսօր՝ ոչ։ Եվրահանձնաժողովի նախագահը միայնակ է կառավարում իրավիճակը։ Գերմանիան և Ֆրանսիան աջակցում են նրան։ Էմանուել Մակրոնը և Ֆրիդրիխ Մերցը դեմ չեն լինի ապագայում ստեղծել Եվրոպայի հզոր սուպերնախագահի պաշտոն։ Ֆոն դեր Լեյենը դրա համար ճանապարհ է հարթում։ Հնարավոր է՝ Ֆրանսիայի առաջնորդն ինքը ցանկանա ստանձնել այն»,- News.ru-ին ասել է Ռարը։
Ավելի վաղ Politico-ն, հղում անելով Բրյուսելի աղբյուրներին, հայտնել էր, որ Եվրահանձնաժողովի նախագահ Ուրսուլա ֆոն դեր Լեյենի կառավարման ոճը ԵՄ-ում սուր ներքին հակասություններ է առաջացնում:
