Նշվել են առավոտյան հինգ սովորություններ, որոնք կբարելավեն ձեր կյանքի որակը
Բժիշկներ Էլպիդիո Ֆրանկոն և Ռոզանա Կաստելո Բրանկոն կոչ են արել մարդկանց զարգացնել առավոտյան հինգ սովորություն, որոնք զգալիորեն կբարելավեն նրանց կյանքի որակը։ Նրանք այդ հինգ սովորությունները թվարկել են Metropoles-ին տված հարցազրույցում։
Ֆրանկոյի խոսքով՝ ամեն օր նույն ժամին քնելու և արթնանալու սովորությունն օգնում է վերահսկել արյան ճնշումը, սրտի աշխատանքը և քնի ու տրամադրության հետ կապված հորմոնների արտադրությունը: Բժիշկը նաև խորհուրդ է տվել ջուր խմել արթնանալուց անմիջապես հետո, քանի որ այն բարելավում է արյան շրջանառությունը, աղիքների և երիկամների աշխատանքը։
Բրանկոն հավելել է, որ նախաճաշն օգնում է պահպանել էներգիան և կենտրոնացումը ամբողջ օրվա ընթացքում, ուստի այն պետք է հավասարակշռված լինի: Նա նաև առավոտյան կարճատև զբոսանքն անվանել է չափազանց օգտակար բարեկեցության բարելավման համար: Եթե զբոսնելու համար ժամանակ չունեք, կարող եք կանգնել բաց պատուհանի մոտ և թարմ օդ շնչել:
Վերջապես, Բրանկոն խորհուրդ է տվել խուսափել սմարթֆոններից արթնանալուց անմիջապես հետո: Բժիշկը բացատրել է, որ նախքան օրգանիզմի արթնանալը, հաղորդագրությունների, սոցիալական ցանցերի կամ նորությունների ազդեցությունը կարող է բացասական լինել ուղեղի համար:
