Բելգիայում թանգարանից գողացել են Նապոլեոնին պատկանող մատանին
Բելգիայում թալանվել է Նապոլեոնի բնակարան-թանգարանը։ Երկու գողեր գողացել են Ֆրանսիայի կայսրին պատկանող 18 կարատանոց ոսկե մատանի՝ հինգ ադամանդներով, և ոսկե մետաղադրամներ։ Այս մասին հաղորդում է RTBF-ը, փոխանցում է rbc.ru-ն։
Ենթադրվում է, որ չարագործները ներխուժել են թանգարանի շենք՝ կոտրելով պատուհանը։ Նրանք նաև վնասել են ապակե ցուցափեղկերը, որոնցում պահվում էր ցուցադրության մի մասը, և տարել են իրենց հետ:
