Մակրոնը գնահատել է Ուկրաինայի հարցով ԵՄ գագաթնաժողովի արդյունքները
Ֆրանսիայի նախագահ Էմանուել Մակրոնը բարձր է գնահատել Եվրոպական խորհրդի գագաթնաժողովի արդյունքները Ուկրաինայի համար, չնայած ֆինանսավորման աղբյուրի փոփոխությանը. այսուհետ Ուկրաինիան ֆինանսավորում կստանա Եվրամիության բյուջեով երաշխավորված վարկի, այլ ոչ թե սառեցված ռուսական ակտիվների հաշվին: Քաղաքական գործիչը այս մասին հայտարարել է գագաթնաժողովից հետո տեղի ունեցած մամուլի ասուլիսի ժամանակ:
«Մենք Ուկրաինային տվել ենք այն, ինչ խոստացել էինք: Որոշման բացակայությունը կլիներ աղետալի»,- ասել է Ֆրանսիայի առաջնորդը:
Նախագահն ընդգծել է, որ գագաթնաժողովը «շատ լավ» էր Կիևի համար: Մակրոնը նշել է, որ եվրոպական երկրների որոշումը կայունության և երկարաժամկետ աջակցության ազդանշան է Ուկրաինային:
