Հոգեբույժն անվանել է դեպրեսիայի անսովոր դրսևորումները
Դեպրեսիայով տառապող մարդիկ միշտ չէ, որ քիչ են ժպտում կամ խուսափում սոցիալական շփումներից, բացատրել է հոգեբույժ և բժիշկ Անդրեյ Շմիլովիչը։ Նա ներկայացրել է այս վիճակի անսովոր դրսևորումները։
Բժշկի խոսքով՝ գոյություն ունի մի երևույթ, որը կոչվում է «ժպտացող դեպրեսիա»։ «Այսպես կոչված բարձր ֆունկցիոնալ դեպրեսիայի դեպքում մարդիկ նույնիսկ կատակում են, հանդիպում ընկերների հետ և գնում աշխատանքի։ Հնարավոր է՝ այսպես են նրանք քողարկում իրենց վիճակն ու մտադրությունները»,- aif.ru-ին տված հարցազրույցում նշել է Շմիլովիչը։
Սակայն, նա ընդգծել է, որ նման վարքագիծը, ի վերջո, կարող է կյանքին սպառնացող լինել։
Հոգեբույժը հավելել է, որ դասական դեպրեսիայի դեպքում մարդը կարող է լայնացած բիբեր ունենալ առանց որևէ ակնաբուժական կամ այլ պատճառի: Ավելին, նրանք կարող են ունենալ արյան ճնշման բարձրացում, ինչպես նաև գունատ մաշկ: Շմիլովիչը հավելել է, որ դեպրեսիա ունեցող կանայք երբեմն ունենում են դաշտանային խանգարումներ, իսկ տղամարդիկ՝ լիբիդոյի նվազում:
Հոգեբույժը նշել է, որ դեղորայքը, հոգեթերապիան և լուսային թերապիան արդյունավետ են սեզոնային դեպրեսիայի բուժման համար: Այս ախտորոշմամբ մարդկանց խորհուրդ է տրվում բավարար քնել, զբոսնել ցերեկային լույսի ներքո, լինել ֆիզիկապես ակտիվ և օգտագործել բավարար քանակությամբ սպիտակուց, բարդ ածխաջրեր և առողջ ճարպեր, ընդգծել է Շմիլովիչը:
