Բժիշկը զգուշացրել է քնելու ամենատարածված դիրքերից մեկի վտանգների մասին
Արյունաբան Մանուել Վիսոն զգուշացրել է քնելու ամենատարածված դիրքից մեկի վտանգների մասին։ Նրա խոսքերը մեջբերում է Infosalus-ը։
Վիսոն բացատրել է, որ, ընդհանուր առմամբ, կարելի է քնել ցանկացած հարմարավետ դիրքով։ Սակայն կան բացառություններ։ «Դեմքով դեպի ներքև քնելը մեծ ծանրաբեռնվածություն է ստեղծում ողնաշարի պարանոցային և գոտկային հատվածների համար»,- զգուշացրել է նա։
Բժիշկը հղի կանանց խորհուրդ է տվել քնել ձախ կողքի վրա: Ողնաշարի խնդիրներ ունեցողները պետք է գիշերը քնեն մեջքի վրա՝ ոտքերի տակ բարձ դնելով։
Եզրափակելով՝ քնի որակը բարելավելու համար Վիսոն խորհուրդ է տվել սենյակում հարմարավետ ջերմաստիճան սահմանել, քնելուց առաջ խուսափել գաջեթներից, անջատել լույսի բոլոր աղբյուրները և երեկոյան խուսափել ծանր ու ճարպոտ սնունդից։
