Բուլղարիայում լողափին հայտնաբերվել է հրթիռի արձակման շարժիչ
Բուլղարիայի սևծովյան լողափերից մեկում հայտնաբերվել է հրթիռի հատված: Այս մասին հայտնել է երկրի պաշտպանության նախարարությունը։
Զինամթերքը Սինեմորեց գյուղի մոտակայքում, ափից մոտ 50 մետր հեռավորության վրա, հայտնաբերել է փրկարարներից մեկը: Սեպտեմբերի 10-ի առավոտյան դեպքի վայր են ժամանել ոստիկանության և ռազմածովային ուժերի աշխատակիցներ։
«Զինծառայողները պարզել են, որ մետաղական առարկան հրթիռի արձակման շարժիչ է՝ 1.7 մետր երկարությամբ և 17 սանտիմետր տրամագծով, որը վտանգավոր չէ տեղափոխման համար»,- նշված է հաղորդագրությունում:
Առարկան տեղափոխվել է Բուրգասի ռազմածովային բազա՝ հետագա ոչնչացման համար։
