Ռոնալդուն հերթական ցուցանիշն է գրանցել․ պորտուգալացին շրջանցել է Մեսսիին
Պորտուգալիայի հավաքականի հարձակվող Կրիշտիանու Ռոնալդուն առաջ է անցել Արգենտինայի հարձակվող Լիոնել Մեսսիից աշխարհի առաջնության ընտրական փուլերի գոլերի թվով: Այս մասին գրում է ArmSport.am-ը։
Շաբաթ օրը Երևանում Պորտուգալիան 5:0 հաշվով հաղթել է Հայաստանի հավաքականին: «Ալ-Նասրի» 40-ամյա հարձակվող Ռոնալդուն դարձել է դուբլի հեղինակ:
Ռոնալդուն ընտրական փուլերում խփել է 38 գոլ, իսկ Մեսսին՝ 36: Ռեկորդակիրը Գվատեմալայի նախկին խաղացող Կառլոս Ռուիսն է՝ 39 գոլով:
Ռոնալդուն ազգային հավաքականի կազմում խփել է ընդհանուր առմամբ 140 գոլ:
