Հռոմի պապն Իսրայելի նախագահի հետ հանդիպմանը բարձրացրել է Գազայի ողբերգական իրավիճակի հարցը
Հռոմի պապ Լևոն XIV-ը Իսրայելի նախագահ Իսահակ Հերցոգի հետ հանդիպմանը քննարկել է Գազայի ողբերգական իրավիճակը և կոչ է արել մշտական հրադադար հաստատել Պաղեստինում:
Այս մասին հայտնում է Reuters–ը՝ հղում անելով Վատիկանին:
Հռոմի պապը նաև կոչ է արել ազատ արձակել պաղեստինյան Համասի կողմից պահվող պատանդներին: Նա վերահաստատել է Վատիկանի աջակցությունը տասնամյակներ շարունակվող իսրայելա-պաղեստինյան հակամարտության՝«երկու պետությունների» լուծմանը:
