Մահացել է երաժիշտ Մանանա Մենաբդեն
76 տարեկան հասակում մահացել է վրացի երաժիշտ, երգչուհի, գրող, նկարչուհի և դերասանուհի Մանանա Մենաբդեն։ Այս մասին տեղեկացնում է aliq.ge-ն։
Մենաբդեն ծնվել է 1948 թվականին։ Նրա տատիկը Թամար Իշխնելին էր, Իշխնելի քույրերից մեկը։ Նա երգել է վաղ տարիքից։ 16 տարեկանում դարձել է «Րերո» վոկալ-գործիքային անսամբլի անդամ։
Հետագայում նա մեկնել է Ռուսաստան, որտեղ կրթություն է ստացել Թատերական արվեստի ակադեմիայում։
Մենաբդեն ճանաչում է ձեռք բերել 1982 թվականին, երբ նրա կոմպոզիցիաներն ու երաժշտական մեկնաբանությունները տեղ գտան Լանա Ղողոբերիձեի 1982 թվականի «Այսօր գալիս է գիշերը» ֆիլմում։ Երաժիշտը նաև նկարահանվել է ֆիլմում։
1980-ականները համարվում են նրա երաժշտական ստեղծագործության գագաթնակետը։ Մենաբդեի ստեղծագործությունը ժամանակակից և ժողովրդական երաժշտության համակցություն էր։
