Կարեն Խաչանովը դուրս մնաց ԱՄՆ բաց առաջնությունից
Հայկական արմատներով ռուսաստանցի թենիսիստ, աշխարհի 9-րդ ռակետ Կարեն Խաչանովը դուրս մնաց ԱՄՆ բաց առաջնությունից:
Նյու Յորքում ընթացող ԱՄՆ բաց առաջնության տղամարդկանց մենախաղի երկրորդ շրջանում Խաչանովը մրցեց Լեհաստանից Կամիլ Մայխշապի հետ: Մոտ 5 ժամ ձգված մրցախաղում Խաչանովը զիջեց 6:2, 7:6 (7:4), 4:6, 5:7, 6:7 (5:10) հաշվով:
Թենիսի ԱՄՆ բաց առաջնությունն անցկացվում է 1881 թվականից: Մրցաշարի տղամարդկանց մենախաղի գործող չեմպիոնը Յանիկ Սիններն է, իսկ կանանց մրցաշարում` Արինա Սաբալենկոն:
