Ամերիկայի Միացյալ Նահանգները դադարեցրել է Զիմբաբվեում վիզաների տրամադրումը
Ամերիկայի Միացյալ Նահանգները դադարեցրել է Զիմբաբվեում վիզաների տրամադրումը: Այս մասին հայտարարել է Զիմբաբվեի մայրաքաղաք Հարարեում գտնվող ԱՄՆ դեսպանությունը:
«Մենք Հարարեում դադարեցրել ենք վիզաների տրամադրման ծառայությունները, քանի դեռ քննարկում ենք Զիմբաբվեի կառավարության հետ կապված մտահոգությունները», – ասել են դեսպանությունից:
Նշվում է, որ այս քայլը ճանապարհորդության արգելք չէ, և որ գործող վիզաները կմնան ուժի մեջ։
Ինչպես հաղորդում է Reuters–ը՝ դադարեցումն ուժի մեջ է մտել օգոստոսի 7-ից:
