«Վրացական երկաթուղիներ»-ի բեռների տեղափոխումը նվազել է

«Վրացական երկաթուղիներ» ընկերության հաղորդմամբ` երկաթուղային ճանապարհով բեռների տեղափոխումը նվազել է։ Այս մասին գրում է aliq.ge-ն։

Ընկերության կառավարման հաշվետվությունը ցույց է տալիս, որ 6 ամսվա ընթացքում երկաթուղով տեղափոխվել է մինչև 6.3 միլիոն տոննա բեռ, ինչը տարեկան 8.1%-ով պակաս է։ Բեռների ծավալը նույնպես տարեկան 9%-ով նվազել է՝ տարվա երկրորդ եռամսյակում հասնելով 3.2 միլիոն տոննայի։

Այս տարի՝ հունվար-հունիս ամիսներին, տարանցիկ փոխադրումների բաժինը կազմել է փոխադրված ընդհանուր ծավալի 59%-ը: «Վրացական երկաթուղիներ»-ը այս տարի փոխադրել է է 3.7 միլիոն տոննա տարանցիկ բեռ, իսկ նվազումը կազմել է 10.6%։

Երկաթուղային ընկերությունը նշել է, որ տարանցիկ բեռնափոխադրումների 11% նվազումը հիմնականում պայմանավորված է Ղազախստանից բեռնափոխադրումների նվազմամբ։ Նվազումը կազմել է 478.3 հազար տոննա։