Էդուարդ Սպերցյանի՝ անգլիական ակումբ տեղափոխության վերաբերյալ նոր մանրամասներ են հայտնի
Անգլիական «Սաութհեմփթոնը» շուտով նոր առաջարկ կանի «Կրասնոդարի» հայ կիսապաշտպան Էդուարդ Սպերցյանի տրանսֆերի համար, հաղորդում է Arménie Football-ը։
Աղբյուրի փոխանցմամբ՝ խաղացողը տեղյակ է անգլիական ակումբի հետաքրքրության մասին և չի թաքցնում ԱՊԼ տեղափոխվելու իր ցանկությունը։ Հաղորդվում է նաև, որ անգլիական ակումբը Սպերցյանին համարում է ականավոր խաղացող։ «Սաութհեմփթոնի» մարզիչը և մարզական տնօրենը նրան համարում են համակարգ ձևավորող խաղացող և «իսկական դիրիժոր»։
Ավելի վաղ «Սաութհեմփթոնից» Սպերցյանի նկատմամբ նոր առաջարկի և հետաքրքրության մասին տեղեկատվությունը հաստատել էր հայ գործակալ Վադիմ Օհանյանը։
Սպերցյանը «Կրասնոդարի» ակադեմիայի շրջանավարտ է։ «Ցուլերի» մեծահասակների թիմի կազմում կիսապաշտպանը մասնակցել է բոլոր մրցաշարերում 148 խաղի, որոնցում խփել է 45 գոլ և կատարել 35 գոլային փոխանցում։
