Ո՞րն է հանկարծակի արցունքահոսության պատճառը
Աչքի բնական խոնավեցումն ապահովում է արցունքը, այն աչքից դուրս է բերում նաև օտար մարմիններն ու միկրոբները: Մի քանի կաթիլ արցունքը նորմալ է երևույթ է, սակայն լինում են դեպքեր, երբ աչքերից անդադար արցունք է հոսում: Բնակաբար, խոսքը լաց լինելու դեպքերի մասին չէ։ Իսկ որո՞նք են արցունքահոսության պատճառները:
Արցունքահոսության հիմնական պատճառներից առաջինը փոքր դետալների վրա կենտրոնանալն ու անդադար, արագ կարդալն է: Եթե տեքստը կամ գիրքը հետաքրքիր է՝ ընկղմվում ենք ու մոռանում փոքր տառաշարի կամ վատ լուսավորության մասին, երբեմն մոռանում ենք նաև թարթելու մասին:
Արցունքահոսություն նկատվում է նաև ծերերի մոտ, քանի որ ժամանակի հետ կոպերի ու արցունքապարկի մկանները թուլանում են և չեն կարողանում դիմանալ սովորական ծանրաբեռնվածությանը:
Արցունքահոսությունը բնորոշ է նաև կոնտակտային լինզաներ կրող մարդկանց. աչքն այդպես հարմարվում է օտար մարմնին: Արցունքի ֆունկցիաներից մեկն օտար մարմինը աչքից դուրս բերելն է:
Արցունքահոսության պատճառ կարող են հանդիսանալ նաև զանազան ինֆեկցիաները, միկրոտրավմաները և ալերգիկ ռեակցիաները:
Եվ, իհարկե, արցունքահոսության պատճառ կարող է լինել օրգանիզմում կալիումի և B2 վիտամինի պակասը:
Այլ նշաններ են բերանի եզրերի ճաքերը, լույսի անտանելիությունը, սառը ափերն ու ոտնաթաթերը:
Կալիումի պակասի նշան կարող է լինել թեյի ու սուրճի չարաշահումը, աղի շատ օգտագործումը: Այն կարող է առաջանալ ֆիզիկական և մտավոր մեծ ծանրաբեռնվածության, միզամուղ պրեպարատների չարաշահման դեպքում:
