Իտալիան պատրաստ է ճանաչել Պաղեստինի Պետությունը միայն դրա իրական ստեղծումից հետո
Իտալիայի վարչապետ Ջորջա Մելոնին հայտարարել է պաղեստինյան պետությունը ճանաչելու պատրաստակամության մասին, սակայն նշել է, որ հակաարդյունավետ է համարում մինչ դրա ստեղծումը նման քայլի դիմելը։ Նրա խոսքերը վկայակոչում է Jerusalem Post թերթը։
«Ես վճռականորեն աջակցում եմ պաղեստինյան պետությանը, բայց դեմ եմ այն ճանաչելուն` նախքան դրա ստեղծումը»,- լրատվամիջոցի փոխանցմամբ՝ հայտարարել է Մելոնին։
Նախօրեին Իտալիայի արտաքին գործերի նախարարությունը հայտարարել էր, որ պաղեստինյան պետության ճանաչումը պետք է տեղի ունենա պաղեստինցիների կողմից Իսրայելի ճանաչման հետ միաժամանակ։
