Հայրս հայերին չէր տարանջատում ըստ նրանց հայացքների. Տաթևիկ Կարապետյան
«Տաշիր» ընկերությունների խմբի ղեկավար Սամվել Կարապետյանի դուստրը ՝ Տաթևիկ Կարապետյանը, որը Երևանում մասնակցում է գործարարին սատարող հանրահավաքին և երթին, մեկնաբանել է հոր շուրջ ստեղծված իրավիճակը:
Sputnik Արմենիային տված հարցազրույցում նա հայտարարեց, որ հայրը երբեք հայերին չի բաժանել։
«Հայրս երբեք հայերին չի տարանջատել ըստ հայացքների, համոզմունքների, ծագման և միշտ սովորեցրել է, որ միայն միասին, համախմբվելով կարող ենք պահպանել և զարգացնել մեր հայրենիքը: Նա մարդկանց միավորում է գործով, այլ ոչ թե կարգախոսներով»,- ասաց նա։
Տաթևիկի խոսքով՝ ամբողջ աշխարհի հայերը նրան ճանաչում են որպես մի մարդու, ով կամուրջներ է կառուցում, որոնք նա տարիներ շարունակ կառուցել է Սփյուռքի և Հայրենիքի միջև:
Կարապետյանը շնորհակալություն հայտնեց բոլոր նրանց, ովքեր անտարբեր չեն իր հոր ճակատագրի նկատմամբ, ովքեր այսօր ուս ուսի կանգնած են իրենց ընտանիքի կողքին:
«Դա էլ մենք անվանում ենք «մեր ձևով (merdzevov)», – ասաց Կարապետյանը:
Այս արտահայտությունը գործարարի աջակիցների կարգախոսն է դարձել այն բանից հետո, երբ նա հունիսի 16-ին ի պաշտպանություն եկեղեցու իր հայտարարության մեջ ասել է, որ անմիջական մասնակցություն է ունենալու Հայ առաքելական եկեղեցու պաշտպանությանը, «եթե չհաջողվի քաղաքական գործիչներին, ապա մենք մեր ձևով կմասնակցենք այդ ամենին»:
