Թուրքիան կվերսկսի թռիչքները դեպի Իրան
Թուրքիայի առաջատար ավիափոխադրող Turkish Airlines-ը շաբաթ օրը հայտարարել է, որ հունիսի 30-ից՝ երկուշաբթի օրվանից, կվերսկսի թռիչքները դեպի Իրան՝ այս ամսվա սկզբին անվտանգության նկատառումներով ժամանակավոր դադարից հետո։
Turkish Airlines-ի գլխավոր տնօրեն Բիլալ Էքշին դա հաստատել է սոցիալական ցանցում իր գրառմամբ։
«Հունիսի 30-ին՝ երկուշաբթի օրը, վերսկսում ենք մեր թռիչքները դեպի Մաշհադ»,- գրել է նա։
Սա ազգային ավիափոխադրողի առաջին կանոնավոր չվերթն է դեպի Իրան այն բանից հետո, երբ հունիսի 13-ին Թուրքիան դադարեցրեց բոլոր թռիչքները՝ Իրանին հասցված իսրայելական ավիահարվածներից հետո, հայտնում է Mehr-ը։
Թռիչքները վերսկսելու որոշումն ընդունվել է այն բանից հետո, երբ Իրանի և Իսրայելի միջև հրադադարի մասին համաձայնություն է ձեռք բերվել, ինչը նվազեցրել է անվտանգության անմիջական ռիսկերը և թույլ տվել փուլ առ փուլ վերսկսել ավիափոխադրումները։
Իրանը Իսրայելի հետ հրադադարից հետո վերաբացել է իր օդային տարածքի մեծ մասը միջազգային թռիչքների համար, թեև երկրի շրջանների մեծ մասում ներքին և արտասահմանյան ուղևորափոխադրումները դեռևս դադարեցված են, շաբաթ օրը հայտնել է Ճանապարհների և քաղաքաշինության նախարարության պաշտոնական ներկայացուցիչ Մաջիդ Ախավանը։
Ըստ Մաջիդ Ախավանի, Իրանի օդային տարածքի արևելյան, կենտրոնական և արևմտյան հատվածներն այժմ հասանելի են միջազգային թռիչքների համար։
