Անցյալ տարի Վրաստանում մահացել է 43.971 մարդ
2024 թվականին Վրաստանում մահացել է 43 հազար 971 մարդ, ինչը 1215-ով (2.8%-ով) ավելի է 2023 թվականից։ Այս տվյալները, ըստ aliq.ge-ի՝ տրամադրել է Ազգային վիճակագրության ծառայությունը։
Ծառայության տվյալներով՝ մահվան ամենատարածված պատճառներն են արյան շրջանառության համակարգի հիվանդությունները և ուռուցքները։
Վրաստանում հիմնականում ինչ հիվանդություններից են մահանում մարդիկ.
- Արյան շրջանառության համակարգի հիվանդություններ — 18 հազար 159 մարդ,
- Կլինիկական և լաբորատոր հետազոտություններով հայտնաբերված ախտանիշներ, նշաններ և նորմայից շեղումներ, որոնք չեն ներառվել այլ կատեգորիաներում՝ 9 հազար 558 մարդ,
- Ուռուցքներ — 5720 մարդ,
- Շնչառական համակարգի հիվանդություններ — 3641 մարդ,
- Վնասվածքներ, թունավորումներ և արտաքին պատճառների որոշ այլ հետևանքներ՝ 1,826 մարդ,
- Մարսողական համակարգի հիվանդություններ՝ 1307 մարդ։
