Իրանը երկարաձգել է օդային տարածքը փակ պահելու ժամկետը
Իրանը երկարաձգում է օդային տարածքի փակումը մինչև հունիսի 15-ի ժամը 01:30-ը, հայտարարել է երկրի քաղաքացիական ավիացիայի կազմակերպությունը։
«Հատուկ իրավիճակի պատճառով Իրանի քաղաքացիական ավիացիայի կազմակերպությունը հայտարարում է երկրի օդային տարածքը փակ պահելու մասին»,- ասվում է հայտարարության մեջ։
Ավելի վաղ երկրի ավիացիոն իշխանությունները հայտնել էին, որ չվերթներ չեն իրականացվի բոլոր իրանական օդանավակայաններում մինչև հետագա ծանուցում։
