Իրանի, Եգիպտոսի և Օմանի ԱԳ նախարարները հանդիպել են Օսլոյում
Իրանի Իսլամական Հանրապետության արտաքին գործերի նախարար Աբբաս Արաղչին Օսլոյի 22-րդ համաշխարհային համաժողովի շրջանակներում մասնակցել է Եգիպտոսի և Օմանի իր գործընկերների հետ եռակողմ հանդիպմանը։
Այս մասին հայտնում է իրանական IRNA գործակալությունը՝ մանրամասներ ներկայացնելով հանդիպումից։
Նշվում է, որ Իրանի ԱԳ նախարարը, որը ժամանել է Նորվեգիա՝ համաժողովին մասնակցելու և ելույթ ունենալու համար, հանդիպումներ է ունեցել Օմանի արտաքին գործերի նախարար Բադր ալ-Բուսաիդիի և Եգիպտոսի արտաքին գործերի նախարար Բադր Աբդելաթթիի հետ՝ քննարկելու երկրների միջև տարբեր ոլորտներում հետաքրքրություն ներկայացնող հարցեր։
Իրանական լրատվականը նաև հաղորդում է, որ տեղի ունեցած եռակողմ հանդիպումից առաջ Աբբաս Արաքչին նաև մասնակցել է Օմանի և Եգիպտոսի արտաքին գործերի նախարարների, Կատարի արտաքին գործերի պետական նախարարի և Նորվեգիայի արտաքին գործերի նախարարի հետ միասին կազմակերպված պանելային քննարկմանը։
