ՀՀ-ում ԱՄՆ դեսպանատունը նույնպես խուսափել է Ցեղասպանություն բառից
ՀՀ-ում ԱՄՆ դեսպան Քրիստինա Քվինը այսօր այցելել է Ծիծեռնակաբերդ։
ՀՀ-ում ԱՄՆ դեսպանատունը տեղեկացնում է, որ դեսպան Քվինը ծաղիկներ է դրել Ծիծեռնակաբերդի անմար կրակի մոտ՝ հարգանքի տուրք մատուցելով զոհված հայերի հիշատակին։
Ուշագրավ է հատկապես այն հանգամանքը, որ նախորդ տարիներին ՀՀ-ում ԱՄՆ դեսպանատունը, ներկայացնելով դեսպան Քվինի այցը Ծիծեռնակաբերդ, կիրառում էր Հայոց ցեղասպանություն արտահայտությունը։ Այս տարի, սակայն, դեսպանությունը խուսափել է հստակ որակումներից` բավարարվելով անորոշ ձևակերպումներով։
Ի դեպ, այս հաղորդագրությունը բավականին բուռն է ընդունվել դեսպանության ֆեյսբուքյան էջում` արժանանալով բազմաթիվ բացասական մեկնաբանությունների։
Հիշեցնենք, որ մեկ ժամ առաջ Սպիտակ տունը հրապարակեց ԱՄՆ նախագահ Դոնալդ Թրամփի ապրիլքսանչորսյան ուղերձը։ Նախագահ Թրամփն իր ուղերձում չի օգտագործել «Ցեղասպանություն» եզրույթը` փոխարենը նշելով «Մեծ Եղեռն»։
