Լեհաստանն արգելել է 8 վրացի իրավապահի մուտքը երկիր
Լեհաստանն արգելել է եվրոպամետ ցուցարարների նկատմամբ բռնությունների համար պատասխանատու վրացի 8 իրավապահների մուտք գործել իր երկրի տարածք։ Այս տեղեկությունը, ըստ aliq.ge-ի՝ տարածել է Վրաստանում Լեհաստանի դեսպանատունը։
«Ի պատասխան Վրաստանում ընդդիմության նկատմամբ աճող բռնաճնշումների՝ Լեհաստանն արգելել է ցուցարարների նկատմամբ բռնության համար պատասխանատու 8 իրավապահների մուտքն իր տարածք: Լեհաստանն աջակցում է վրաց հասարակության եվրոպամետ նկրտումներին»,- ասված է դեսպանատան հայտարարության մեջ:
Պատժամիջոցների ենթարկված անձանց ինքնությունը դեռ հայտնի չէ:
