Ադրբեջանի ԶՈՒ տակտիկական հրթիռների ստորաբաժանումները մարտական առաջադրանքներ են «փորձարկել»
Ադրբեջանի Զինված ուժերի հրթիռահրետանային զորքերի տակտիկական հրթիռների ստորաբաժանումները մարտական պատրաստության պարապմունքներ են անցկացրել:
Երկրի պաշտպանական գերատեսչության հաղորդմամբ, կատարվել են տեղանքում ծավալվելու, մեկնարկային դիրքեր զբաղեցնելու, ինչպես նաև՝ տեխնիկան մարտական պատրաստության «լրիվ» աստիճանի բերելու առաջադրանքներ:
Հավելենք, որ ապրիլի 5-ին Ադրբեջանի պաշտպանության նախարար Զաքիր Հասանովը ծառայողական խորհրդակցության ժամանակ շեշտել էր, որ ընթացիկ տարում պետք է ընդլայնվեն բանակի մարտական կարողությունները, զորքի ունակությունները, և պահպանվի զորավարժությունների ինտենսիվությունը:
