Թրամփը ՌԴ-ի հետ Ուկրաինայի հարցով համաձայնագրի հասնելու հնարավորություն է տեսնում
ԱՄՆ նախագահ Դոնալդ Թրամփը հայտարարել է, որ հավատում է Ռուսաստանի հետ Ուկրաինայի հարցով համաձայնագրի կնքման հնարավորությանը։ Այս մասին նա ասել է նախագահական ինքնաթիռում լրագրողների հետ զրույցում։«Մենք շատ լավ ենք աշխատում Ռուսաստանի հետ։
Մենք կարող ենք համաձայնագիր կնքել Ռուսաստանի հետ՝ դադարեցնելու ևս միլիոնավոր մարդկանց հնարավոր սպանությունը», – նշել է ԱՄՆ ղեկավարը։
Մինչ այդ, Մայամիում ներդրումային համաժողովի ժամանակ իր ելույթում Թրամփը հայտնել էր, որ Էր Ռիադում Ռուսաստանի և ԱՄՆ-ի պատվիրակությունների միջև բանակցություններն ընթացել են շատ լավ և դարձել առաջընթաց մեծ քայլ։
ԱՄՆ նախագահը նաև այն կարծիքն է հայտնել, որ Ռուսաստանն ունի «հաղթաթղթեր» ռուս-ուկրաինական հակամարտության կարգավորման հարցում, բայց միևնույն ժամանակ ցանկանում է, որ այն ավարտվի։ «Կարծում եմ՝ ռուսները ցանկանում են, որ պատերազմն ավարտվի: Այո, իրոք ցանկանում են: Բայց կարծում եմ, որ նրանք ունեն «հաղթաթղթեր», քանի որ նրանք շատ տարածքներ են գրավել, այնպես որ նրանք «հաղթաթղթեր» ունեն», – մեջբերում է Թրամփի խոսքը Սպիտակ տան մամուլի ծառայությունը:
