Թուրքիան և Իրանը վերսկսում են Վան-Թավրիզ գնացքների երթևեկը
Թուրքիան և Իրանը 5 տարվա դադարից հետո մարտի 9-ից կվերսկսեն Վան-Թավրիզ ուղղությամբ գնացքների երթևեկը: Այս մասին տեղեկացնում է ermenihaber.am-ը։
Նման պայմանավորվածություն ձեռք է բերվել Թուրքիայի տրանսպորտի և ենթակառուցվածքների նախարարության ու Իրանի պատվիրակությունների միջև իրականացված բանակցությունների արդյունքում:
Տոմսերի վաճառքը սկսելու է փետրվարի 20-ին: Մեկ ուղղևորության արժեքը սահմանվել է 930 թուրքական լիրա, կամ 24.90 եվրո:
Հիշեցնենք, որ գնացքների երթևեկությունը դադարեցվել էր 2020-ին՝ COVID-19-ի տարածման կանխարգելիչ միջոցառումների շրջանակում։
