Արաղչին Իրանի և ԵՄ–ի միջև կառուցողական փոխգործակցության հույս է հայտնել
Իրանի արտաքին գործերի նախարար Աբաս Արաղչին Իրանի և Եվրամիության միջև կառուցողական փոխգործակցության հույս է հայտնել:
Այս մասին հայտնում է IRNA-ն:
Արաղչին իր լեհ գործընկեր Ռադոսլավ Սիկորսկիի հետ հեռախոսազրույցում քննարկել է երկկողմ հարաբերությունները, նաև տարածաշրջանային և միջազգային հարցեր։
Իրանի ԱԳ նախարարը շնորհավորել է Լեհաստանին ԵՄ խորհրդում 6–ամսյա նախագահության ստանձնման կապակցությամբ և հույս հայտնել, որ Իրանն ու ԵՄ-ն այդ ընթացքում ավելի լավ համագործակցություն կունենան։
Լեհաստանի ԱԳ նախարարը հույս է հայտնել, որ Իրանի և Եվրամիության միջև հարցերը՝ այդ թվում միջուկային հարցը, կլուծվեն։
