Դդմիկով ու մսի խճողակով «տակառիկներ»
Բաղադրիչները՝
- 3 ոչ մեծ դդմիկ
- 1 գլուխ սոխ
- 1 հատ գազար
- աղ, աղացած սև պղպեղ՝ ըստ ճաշակի
- արևածաղկի ձեթ՝ տապակելու համար
- 500 գ տավարի մսի խճողակ
- 1 փունջ մաղադանոս
- 1 փունջ համեմ
- 50 գ պինդ պանիր
Պատրաստման եղանակը
Դդմիկները լվացեք ու 3-4 սմ բարձրությամբ մասերի բաժանեք: Գդալով կամ պատառաքաղով հեռացրեք դդմիկների պտղամիսը՝ թողնելով «հատակը»: Պտղամիսը թողեք միջուկի համար:
Ձիթապտղի ձեթի մեջ տապակեք սոխն ու գազարը: Աղ ու պղպեղ արեք, ավելացրեք մսի խճողակն ու դդմիկի պտղամիսը: Երբ միսը մի փոքր կարմրի, ավելացրեք կտրտած մաղադանոսն ու համեմը:
Դդմիկները լցոնեք մսի խճողակով, շարեք փայլաթիթեղով պատված տապակի մեջ: Յուրաքանչյուր «տակառիկի» վրա լցրեք քերած պանիր: Տապակը 25-30 րոպեով տեղադրեք 180 աստիճան ցելսիուս տաքության ջեռոցում:
