Ռուսական բանակը հարվածել է Ուկրաինային բալիստիկ և թևավոր հրթիռներով
Հունվարի 15-ի առավոտյան ռուսական զորքերը հերթական զանգվածային հրթիռային գրոհն են իրականացրել Ուկրաինայի դեմ։ Ամբողջ երկրում օդային տագնապ է հայտարարվել։ Առնվազն վեց շրջաններում վթարային էլեկտրաէներգիայի անջատումներ են եղել: Լեհաստանը կործանիչներ է բարձրացրել Ուկրաինայի արեւմտյան շրջանների վրա հարձակումների պատճառով։
Ուկրաինայի ռազմաօդային ուժերի եւ մոնիթորինգային խմբերի տվյալներով՝ հրթիռներն արձակվել են յոթ ТУ-22М3 ռմբակոծիչներից եւ վեց ТУ-95мс ռազմավարական ռմբակոծիչներից, ինչպես նաեւ «Կինժալ» աերոբալիստիկ հրթիռներ կրող «МИГ-31»-երից։ Պայթյուններ եւ հակաօդային պաշտպանության համակարգերի գործունեություն են գրանցվել Կրիվոյ Ռոգի, Լվովի, Իվանովո-Ֆրանկովսկի, Խմելնիցկու, Վիննիցայի եւ Չերկասի շրջաններում։
Ռուսական հարվածների հետեւանքով Ուկրաինայում հայտարարվել են էլեկտրաէներգիայի կանխարգելիչ անջատումներ, հայտնել է երկրի էներգետիկայի նախարար Գերման Գալուշչենկոն։ «Թշնամին չի դադարում ահաբեկել ուկրաինացիներին. զանգվածային հարձակման պատճառով հաղորդման համակարգի օպերատորը կանխարգելիչ սահմանափակող միջոցներ է կիրառում»,- գրել է նա Facebook-ում՝ կոչ անելով մարդկանց մնալ ապաստարաններում՝ մինչեւ օդային տագնապի չեղարկումը։
«Ուկրէներգո»-ում հայտնել են Խարկովի, Սումիի, Պոլտավայի, Զապորոժիեի, Դնեպրոպետրովսկի եւ Կիրովոգրադի մարզերում էլեկտրաէներգիայի վթարային անջատումների մասին:
Լվովի ռազմական վարչակազմի ղեկավար Մաքսիմ Կոզիցկու խոսքով՝ առավոտյան հրթիռային հարվածի հետեւանքով վնասվել են ենթակառուցվածքի կարեւորագույն օբյեկտները։ «Առավոտյան տագնապի ժամանակ, որը տեւել է 06:12-08:12-ը, հակառակորդը թեւավոր հրթիռներով հարձակվել է Լվովի մարզի վրա։
Դրոգոբիչի եւ Ստրիյսկի շրջանների երկու կարեւոր ենթակառուցվածքների վրա հարվածներ են եղել: Բարեբախտաբար, զոհեր չկան, բայց ավերածություններ են եղել»,- գրել է նա իր թելեգրամ-ալիքում։
Նա ավելացրել է, որ գիշերը ռուսական հարձակողական անօդաչուն գրոհել է տարածաշրջանը եւ խոցվել ՀՕՊ ուժերի կողմից։ Ոչ ոք չի տուժել։ Էլեկտրաէներգիայի անջատումներ դեռ չեն մտցվել։
Կիեւում հրետակոծության հետեւանքով հրդեհ է բռնկվել Կրեշչատիկի էլեկտրական ենթակայանում։ Հրդեհն արագ տեղայնացվել է, չորս բնակելի շենքեր մնացել են առանց էլեկտրականության, հայտնել է Կիեւի քաղաքային վարչությունը։
Բացի այդ, ռուսական բանակը նախօրեին հարվածներ է հասցրել Խերսոնի շրջանի մի շարք թաղամասերի։ Ինչպես պարզաբանել է շրջանի ռազմական վարչակազմի ղեկավար Ալեքսանդր Պրոկուդինը, ռուս զինվորականները հարձակվել են սոցիալական ենթակառուցվածքի օբյեկտների վրա։ Արկերը խոցել են նաեւ մի քանի բնակավայրերի բնակելի թաղամասեր, տուժել են 12 առանձնատուն, գազատարը, կոմունալ շենքը, ավտոտնակներն ու մասնավոր մեքենաները։ Յոթ մարդ վիրավորվել է։
Ուկրաինայի վրա գրոհի ժամանակ Լեհաստանի ռազմաօդային ուժերը կործանիչներ են բարձրացրել երկինք իրենց արեւելյան շրջաններին սպառնացող վտանգի պատճառով, հայտնել է Լեհաստանի զինված ուժերի օպերատիվ հրամանատարությունը։
«Գործող ընթացակարգերի համաձայն՝ համազարկային կրակի ռեակտիվ համակարգերի օպերատիվ հրամանատարությունը գործադրել է իր տրամադրության տակ եղած բոլոր ուժերն ու միջոցները, խոցվել են կործանիչներ, իսկ ցամաքային հակաօդային պաշտպանության եւ ռադիոտեղորոշիչ հետախուզության միջոցները բերվել են բարձր պատրաստվածության վիճակի»,- տեղեկացրել են Լեհաստանի իշխանությունները:
