Մեկնարկել է թենիսի Ավստրալիայի բաց առաջնությունը
Մեկնարկել է թենիսի «Մեծ սաղավարտ»-ի տարվա առաջին մրցաշարը` Ավստրալիայի բաց առաջնությունը:
Տարվա առաջին մրցաշարի տղամարդկանց մենախաղի գործող չեմպիոնը Իտալիան ներկայացնող Յանիկ Սիններն է, կանանցը` բելառուս Արինա Սաբալենկան:
Ավստրալիայի բաց առաջնությունը մեկնարկել է հունվարի 12-ին և կեզրափակվի հունվարի 26-ին: Կանանց մենախաղի եզրափակիչը նախատեսված է հունվարի 25-ին, իսկ տղամարդկանցը` հունվարի 26-ին:
Ավստրալիայի բաց առաջնության տղամարդկանց ամենատիտղոսակիր թենիսիստը սերբ Նովակ Զոկովիչն է, ով 10 անգամ տիրացել է մրցաշարի գավաթին: Կանանց մրցաշարում ամենատիտղոսակիրը` Մարգարետ Կորտն է (11 անգամ):
Այս տարվա մրցանակային ֆոնդը կազմում է 96 միլիոն դոլար:
Ավստրալիայի բաց առաջնությունում այս տարի առաջին անգամ Հայաստանի դրոշի ներքո հանդես կգա Էլինա Ավանեսյանը: Նրա առաջին մրցակիցը WTA վարկանիշային աղյուսակի 25-րդ համար, ղազախստանցի Յուլյա Պուտինցևան է: Այդ մրցախաղը կկայանա հունվարի 14-ին առավոտյան 4-ին:
