Թուրքիայում մեկնարկել են ռազմածովային զորավարժությունները
Հունվարի 7-16-ը Թուրքիայում տեղի կունենան ռազմածովային ուժերի Mavi Vatan-2025 զորավարժությունները, որոնք կընթանան Սև, Էգեյան և Միջերկրական ծովերում։ Այս մասին հայտնում է Anadolu գործակալությունը։
Թուրքիայի ռազմածովային ուժերի շտաբի պետ Քենան Քաան Թյուրքքանը հայտնել է, որ զորավարժության նպատակն է գնահատել ռազմածովային նավատորմը կազմող հրամանատարությունների արդյունավետությունը և բարելավել անձնակազմի վերլուծության և որոշումների կայացման կարողությունը բազմասպառնալիք միջավայրում:
«Զորավարժություններին կմասնակցեն 90 նավ և 50 ինքնաթիռ, ընդհանուր առմամբ ներգրավված կլինի 20 հազարանոց անձնակազմ»,- ասել է նա։
