Չինաստանում նոր վիրուս է տարածվում
Չինաստանում նոր վիրուս է տարածվում
Չինաստանում մետապնևմովիրուսի բռնկում է` հայտնում են միջազգային լրատվամիջոցները։
Ըստ տարբեր հրապարակումների` մետապնևմովիրուսը առաջացնում է ախտանիշներ, որոնք նման են սովորական մրսածության և գրիպի ախտանիշներին: Նշում են նաև` հիվանդությունը սովորաբար թեթև է ընթանում, բայցև կարող է հանգեցնել լուրջ բարդությունների` ինչպիսիք են թոքաբորբը: Բարդացումները հնարավոր են հատկապես նորածինների, տարեցների և թուլացած իմունային համակարգ ունեցող մարդկանց մոտ։
Ռուսական ՌԲԿ լրատվամիջոցը հիշեցրել է` դեկտեմբերի վերջին թայվանական Money UDN հրատարակությունը գրել էր, որ մետապնևմովիրուսից մահացության մակարդակը հասնում է 43%-ի, և որ ի տարբերություն COVID-19-ի` բավականին քիչ ռեագենտներ կան մարդկային մետապնևմոնիա վիրուսի թեստավորման համար։ Բացի այդ, ներկայումս չկան հակավիրուսային դեղամիջոցներ. միայն օժանդակ թերապիա կարող է նշանակվել։
