Հավայան կղզիներում հրավառության հետևանքով 22 մարդ է տուժել
Ավելի քան 20 մարդ վիրավորվել է Հավայան կղզիներում հրավառության միջադեպի հետևանքով, գրում է տեղական The Hawaii News Now թերթը։
Հոնոլուլուի արտակարգ իրավիճակների ծառայության տվյալներով՝ միջադեպը տեղի է ունեցել Սոլթ Լեյքի շրջանում։ Առնվազն 22 մարդ վիրավորվել է, ևս երկուսը ստացել են կյանքին վտանգ սպառնացող վնասվածքներ։ Դեպքի վայրում են շտապօգնության ծառայությունները, և իշխանությունները տեղի բնակիչներին խնդրել են խուսափել տարածք այցելելուց:
